ပြုလုပ်ရလွယ်ကူတဲ့ သာဂူအုန်းမွှေးလုံးကို ငယ်ငယ်ကတည်းက မကြာခဏဆိုသလို လုပ်စားဖြစ်ပါတယ်။ အိမ်နီးနားချင်း အန်တီတစ်ယောက် အမြဲလိုလို မြန်မာမုန့်လုပ်နေ တာ မြင်ဖူး၊ စားဖူးနေရလို့သာ မြန်မာမုန့်လို့ဆိုသော်လည်း အခြား စင်ကာပူ၊ မလေးရှားနဲ့ ထိုင်းနိုင်ငံတို့မှာလည်း ဆင်တူမုန့်လေးတွေ တွေ့နိုင်ပါတယ်။ ဆိုဖီယာ လုပ်ထားတဲ့ မုန့်အချိုးလေး မျှဝေပေးလိုက်ပါတယ်။ လုပ်စားကြည့်ရအောင်နော်။

Sofia for Food Magazine

ပါ၀င္ပစၥည္းမ်ား

ယိုးဒယားသာဂူစေ့-  ၂ဝဝ ဂရမ်

သကြား-  ၁၅၀ ဂရမ်

ရေ၊ အုန်းနို့၊ နှစ်သက်ရာဖျော်ရည်-  ၁.၂ လီတာ

ဆား-  လက်ဖက်ရည်ဇွန်း ၁/၃ ဇွန်း

အုန်းသီးအမှုန့်-  ၁ ပန်းကန်

ခ်က္နည္း

၁။        အိုးတစ်လုံးထဲ ရေ၊ ဆားနှင့် သကြားတို့ကို ထည့်ပြီး ကျိုပါ။

၂။         ဆူပွက်ပါက သာဂူစေ့ကို ရေဆေးပြီး ထည့်ပါ။ ပြန်လည်ဆူပွက်ပါက ၅ မိနစ်ခန့် ဆူပွက်စေပြီး မီးပိတ်၍ အဖုံးအုပ်ထားပါ။

၃။        သာဂူအဆံပျောက်၍ ရေခြောက်ပြီး ပျစ်သွားပါက ဆီအနည်းငယ်လူးထားသော ဗန်းထဲထည့်၍ အအေးခံထားပါ။

၄။        သာဂူအေးသွားလျှင် လိုသလိုလုံး၍သော်လည်းကောင်း၊ လှီးဖြတ်၍သော်လည်း ကောင်း အုန်းသီးခြစ်ထားသည်နှင့် လူးပေးပြီး တည်ခင်းသုံးဆောင်နိုင်ပါပြီ။

အရောင် (၂) မျိုးခွဲလိုပါက ကျိုပြီး ၂ အိုးခွဲ၍ အရောင်ထည့်ကာ သမအောင် မွှေပေးပြီး အအေးခံပါ။

ရေအစား မိမိနှစ်သက်ရာ ဖျော်ရည်အရသာ အသုံးပြုနိုင်ပြီး သကြားအချိုးကို လျှော့ ထည့်ပါ။

သာဂူအမျိုးအစားပေါ်မူတည်ပြီး ရေကို လိုတိုးပိုလျှော့ ပြုလုပ်ရန် လိုအပ်ပါတယ်။