by Evy’s Kitchen for Food Magazine

အရမ်းနူးညံ့တဲ့ Banana Bread လုပ်နည်း နောက်တစ်မျိုးပါ။ ပထမတစ်ခေါက် လုပ်တဲ့ Recipe  ထက် အရသာပိုကောင်းပြီး နူးညံ့ပါတယ်။ အဲဒီလိုဖြစ်အောင် Corn Syrup ကို ထည့်ထားပါတယ်။ လုပ်နည်းကလည်း ရိုးရှင်းပြီး သိပ်ကို လွယ်ကူပါတယ်။

ပါဝင်ပစ္စည်းများ

ထောပတ် –  ၆၅ ဂရမ်

ရိုးရိုးဂျုံ –  ၁၂၅ ဂရမ်

သကြားအညို –  ၅၀ ဂရမ်

Baking Soda –  လက်ဖက်ရည်ဇွန်း ၁/၂ ဇွန်း

Baking Powder –  လက်ဖက်ရည်ဇွန်း ၁/၂ ဇွန်း

Cinnamon Powder –  လက်ဖက်ရည်ဇွန်း ၁/၂ ဇွန်းသာသာ

ကြက်ဥ –  ၂ လုံး

အမှည့်လွန်နေသော သီးမွှေးငှက်ပျောသီး –  အရွယ်တော်တစ်လုံး

Corn Cyrup –  ၄၅ ဂရမ်

[မရှိရင် ပျားရည် (သို့) Maple Syrup နဲ့ အစားထိုးပါ။]

ပြင်ဆင်နည်း

၁။        သကြား၊ ထောပတ်ကို ပွလာအောင် ခေါက်ပါ။ ဖြူပြီးပွလာလျှင် ကြက်ဥကို ၁ လုံးချင်းစီ ထည့်ပါ။ ဂျုံများနဲ့ Baking Soda,Baking Powder,Cinnamon  တို့ကို  ဇလုံ တစ်လုံးထဲ ထည့်၍ ရောမွှေထားပြီး ခုနက သကြား၊ ထောပတ်၊ ကြက်ဥမွှေထဲ အသာ အယာထည့်၍မွှေပါ။

၂။         သီးမွှေးငှက်ပျောသီးကို ကြေညက်အောင်ခြေပြီး Corn Syrup ရော၍ မုန့်နှစ် ထည့်မွှေပါ။

၃။        မုန့်နှစ်များ သမအောင် အသာအယာမွှေပြီးလျှင် အသင့်ပြင်ထားသော ၈_၃ လက်မ ဗန်းထဲထည့်၍ ၁၈၀ ဒီဂရီ အပူပေးထားသော Oven မှာ မိနစ် ၃၀ ခန့် ဖုတ်ပြီးလျှင် နူးညံ့ပြီး ငှက်ပျောသီးနံ့သင်းနေတဲ့မုန့်ကို  ရရှိပါပြီ။