by ဒေါ်စီစီဝင်း for Food Magazine

          အစားအစာများကို အာဟာရနည်းပညာဖြင့် ဆက်စပ်လေ့လာရာတွင် အာဟာရဓာတ်သည် အရေးပါသောကဏ္ဍတစ်ရပ်အဖြစ် ပါဝင်နေသဖြင့် လူတိုင်းသိရှိနားလည်စေရန် လိုအပ်ပါသည်။ အခြေခံအားဖြင့် ခန္ဓာကိုယ်အတွင်း၌ မဖြစ်မနေအသုံးပြုရန်အတွက် လိုအပ်သော အာဟာရဓာတ် အနည်း၊ အများပမာဏမှာ –

          ပမာဏများစွာလိုအပ်သော အာဟာရဓာတ် (Macronutrients) များသည်-

၁။       ပရိုတိန်း (Protein)

၂။       ကာဘိုဟိုက်ဒြိတ် (Carbohydrate)

၃။       ဆီနှင့် အဆီ (Fats & Oil) တို့ ဖြစ်ကြပြီး

          ပမာဏအနည်းငယ်သာ လိုသော်လည်း ခန္ဓာကိုယ်တွင်း မရှိမဖြစ်လိုအပ်သည့် အာဟာရဓာတ် (Micronutrients) များသည်-

၁။       ဗီတာမင် (Vitamin)

၂။       သတ္တုဓာတ် (Minerals and Trace Elements) ဖြစ်သည်ကို တွေ့ရှိရပါသည်။

          အာဟာရနည်းပညာရှင်များသည် အာဟာရဓာတ်အဖြစ် ရေကို အဆိုပါအုပ်စု (Nutrients) အတွင်း ထည့်သွင်းခြင်းမှာ ရေသည် ခန္ဓာဗေဒအလိုအရ မရှိမဖြစ် လူသား ခန္ဓာကိုယ်၌ အစဉ်လိုအပ်နေခြင်း (Essential Requirements) ကြောင့် ဖြစ်ပါသည်။ အခြားသော အာဟာရဓာတ်များသည် မိမိတို့ခန္ဓာကိုယ်တွင်းစွမ်းအင် (Energy) ကို ပေးစွမ်းသော်လည်း ရေသည် စွမ်းအင်ကို မထုတ်လုပ်နိုင်ပါ။

၁။ ပရိုတိန်း (Protein)

          ခန္ဓာကိုယ်တည်ဆောက်မှုအတွက် လိုအပ်ခြင်း၊ြွကက်သားများကို ပြန်လည်ပြုပြင် ပေးနိုင်ခြင်း၊ ရောဂါဘယများ ဖြစ်ပွားမှုမရှိရန် ခုခံတည်ဆောက်ပေးခြင်း၊ ရောဂါကူးစက်မှုကို ခုခံရန် အကူအညီပေးခြင်းတို့ကို ပြုလုပ်ပေးနိုင်ပါသည်။

          ခန္ဓာကိုယ်တွင်း အမှန်တကယ်လိုအပ်သော အေမီနိုအက်စစ်များကို တိရစ္ဆာန်များမှ ရရှိသော အစားအစာ (Animal Source) များမှ အပြည့်အစုံရရှိနိုင်သော်လည်း ဟင်းသီးဟင်းရွက်များ စားသုံးမှုမှ အပြည့်အဝမပေးပေ။ ပရိုတိန်းရရှိရန်အတွက် အဆီနည်းသော အသားများ ရွေးချယ်စားသုံးရမည်။

၂။     ကာဘိုဟိုက်ဒြိတ် (Carbohydrate)

          ခန္ဓာကိုယ်အင်အားရရှိစေသော ပင်မအခြေခံအရင်းအမြစ် ဖြစ်ပါသည်။ ခန္ဓာကိုယ်ကြီးကို ပူနွေးစေရန် ထိန်းထားပေး၍ ဦးနှောက်အတွက် လောင်စာတစ်ခုအဖြစ်လည်း ပေးစွမ်းပါသည်။ သို့သော်-

          အစားအစာများတွင် ကာဘိုဟိုက်ဒြိတ်အဖြစ် ကစီဓာတ် (Starch)၊ သကြားနှင့် ဆဲလူလို့(စ်) (Cellulose) များအဖြစ် တည်ရှိနေကြပြီး အသီး၊ အရွက်နှင့် ကောက်နှံများတွင် အများအပြားပါဝင်ပါသည်။သကြားသည် ကာဘိုဟိုက်ဒြိတ်ရိုးရိုးဖြစ်၍ အင်အားဓာတ်ကို ပေးသော်လည်း အာဟာရဓာတ် မရှိပေ။ ရောထွေးသော ကာဘိုဟိုက်ဒြိတ် (Complex Carbohydrate) ကို ပေါင်မုန့်၊ ပါစတာ၊ ဆန်၊ အာလူး၊ ကောက်နှံစပါးနှင့် ပဲအမျိုးမျိုးတို့၌ တွေ့ရှိနိုင်ပြီး အင်အားဓာတ်ကို တဖြည်းဖြည်းထုတ်ပေး၍ အမျှင် (Fiber)၊ ဗိုက်တာမင်နှင့် သတ္တုများလည်း ပါဝင်နေပါသည်။

          ဆီသည် ဟော်မုန်းကို ထုတ်လုပ်နိုင်သည်။ ဟင်းလျာချက်ပြုတ်မှုတွင် မပြည့်ဝဆီသည် သင့်လျော်၍ ရွေးချယ်စားသုံးသင့်ပါသည်။ စားအုန်းဆီ (Palm Oil) သည်  အကြော်အလှော်ပြုလုပ်ခြင်း၌ သင့်လျော်ပါသည်။

၎။ ဗီတာမင်နှင့် သတ္တုဓာတ်များ

          ရေတွင် ပျော်ဝင်သော ဗီတာမင်များမှာ-

(၁)     B Vitamins (B1, B2, B3, B5, B6, B8, B9, B12)

(၂)     Vitamin C

          ဆီတွင် ပျော်ဝင်သော ဗီတာမင်များမှာ-

(၁)     Vitamin A

(၂)     Vitamin D

(၃)     Vitamin E

(၄)     Vitamin K

          ခန္ဓာကိုယ်တွင်း မရှိမဖြစ်လိုအပ်သော သတ္တုဓာတ်များမှာ-

          – Calcium, Chlorine, Magnesium, Phosphorus, Potassium, Sodium, Sulphur

          ဗီတာမင်များ၏  များပြားလှသော ဆောင်ရွက်နိုင်ခြင်းအနက် အထူးစွမ်းဆောင်နိုင်မှုကိုသာ တင်ပြလိုပါသည်။

၅။ ရေ (Water)

          ခန္ဓာကိုယ်တွင်း ရေလုံလောက်မှုမရှိခြင်းနှင့် လွန်ကဲနေလျှင် အောက်ပါဖြစ်ရပ်များ တွေ့ရှိနိုင်ပါသည်။

ရေ၏ လုပ်ဆောင်နိုင်မှုများ (Water Function)

♦  ခန္ဓာကိုယ်တွင်း အာဟာရဓာတ်များ ဝင်ရောက်လာနိုင်ရန် ရေတွင် ပျော်ဝင်စေ (ဖျော်ရည်အဖြစ်) ခြင်း။

♦  မလိုသော အညစ်အကြေးများကို အသည်း၊ ကျောက်ကပ်၊ အရေပြားမှထွက်ရှိသွားရန် သယ်ဆောင်ခြင်း။

♦  Cell များ တည်ဆောက်ရန် ရေကို အသုံးပြုခြင်း။

♦  ခန္ဓာကိုယ်အပူချိန်ထိန်းညှိရန် ချွေးများအဖြစ် ပုံမှန်ထွက်ရှိစေခြင်း။

♦  ခန္ဓာကိုယ်တွင်း လည်ပတ်မှုကောင်းမွန်ရန် ချောဆီအဖြစ် ဆောင်ရွက်ခြင်း။

♦  တံတွေးအဖြစ် အစာမျိုရန် အကူအညီပေးခြင်း။

♦  ရေနှင့် အခြားအရည်များ အစာခြေလမ်းကြောင်းအတွင်း ရောက်ရှိသွားရန် အကူအညီပေးခြင်း။

♦  ခန္ဓာကိုယ်၏ ၆၀% မှာ ရေဖြစ်နေခြင်း။

♦  ချွေးများများထွက်ရှိလျှင် ရေများများသောက်ရန် လိုအပ်ခြင်း။

♦  နေ့စဉ် ၁.၅ လီတာ (သို့) ဖန်ခွက် ၈ ခွက်ပမာဏ ရေသောက်ရန် လိုအပ်ခြင်းတို့ ဖြစ်ပါသည်။