ကလေး ခြောက်လကနေ တစ်နှစ်အထက် ဖြည့်စွက်စာအတွက် မုန်လာဥနီ၊ ပန်းသီးအနှစ် လုပ်နည်းလေး လုပ်ကြည့်ရအောင်။ ဒီလုပ်နည်းလေးက ကလေး ခြောက်လ အစာစတင်မိတ်ဆက်တဲ့အခါ အဆာပြေစာအတွက် သင့်တော်ပါတယ်။ သဘာဝအရသာတွေကိုပဲ ရွေးချယ်ပြီး ကျွေးဖို့ လိုအပ်ပါတယ်။ ဆားနဲ့ သကြားကတော့ တစ်နှစ်အောက် အတွက် မလိုအပ်သေးပါဘူး။ အစာသစ်စတင်မိတ်ဆက်တဲ့အခါ အရည်ကျဲကျဲလေးတွေကနေ စတင်ဖို့ အကြံပြုချင်ပါတယ်။ မုန်လာဥနီကို တစ်ပတ်မှာ ၃ ရက်၊ ၄ ရက်ထက် ပိုမကျွေးဖို့လည်း သတိပေးပါရစေ။

by May's Healthy Food for Food Magazine

ပါ၀င္ပစၥည္းမ်ား

မုန်လာဥနီ-  ၁ လုံး (အရွယ်တော်)

ပန်းသီး-  တစ်ဝက်

ျပဳလုပ္နည္း

၁။        မုန်လာဥနီကို အခွံနွှာပြီး ရေဆေး၍ အနေတော်တုံးပြီး ရေနွေးခံပေါင်းပါ။

၂။         ပန်းသီးကို အခွံနွှာပြီး ရေဆေး၍ အနေတော်တုံးပြီး ရေနွေးခံပေါင်းပါ။

၃။        ထွက်လာတဲ့အရည်တွေကို မသွန်ပစ်ဘဲ နှစ်ခုစလုံးကို ရောပြီး ဖျော်စက်မှာ ချောမွတ် နေအောင် ကြိတ်ပါ။

ကလေး တစ်ခါစားလေးတွေ ခွဲပြီး လေလုံဘူးထဲထည့်၊ ရေခဲသေတ္တာထဲ သိမ်းထားပါ။